لميس الحديدى: تريقة «باسم» على قلبى زى العسل
«مموه غامق علشان الأحداث، ده هياكل منك حتة، وأنا بقول لبس الجيش راح فين؟»، هكذا سخر الإعلامى باسم يوسف فى برنامجه «البرنامج»، أمس الأول، من ملابس الإعلامية لميس الحديدى، التى ظهرت بها فى برنامجها «هنا العاصمة» فى الحلقة التى تناولت فيها أحداث اختطاف الجنود السبعة، وقد ارتدت خلالها «بلوزة» تشبه فى ألوانها الزى العسكرى. بعض المواقع الإخبارية نشرت تصريحات لـ«الحديدى» قالت إنها كتبت على حسابها الخاص بموقع التواصل الاجتماعى «تويتر» ترد فيها على «تريقة» باسم يوسف «إنت بتتريق على لبسى يا باسم ولا إيه.. فاكر القميص الوردى اللى إنت كنت لابسه، مقلناش حاجة عليه»، الأمر الذى نفته «الحديدى»، وقالت: «لم أعلق على حلقة باسم، لأنى أصلا مشفتهاش، وللأسف فى ناس بتعمل صفحات وهمية ومزورة على فيس بوك وتويتر، وبتنشر حاجات على لسانى، وكل الكلام اللى اتكتب أنا معرفش عنه حاجة خالص»، وأضافت: «أنا بتبسط جدا لما بتفرج على باسم يوسف، وبضحك من قلبى حتى لو كان بيضحكنا على نفسنا، وأنا قصدت ألبس اللبس اللى شبه الزى العسكرى، وسعيدة إن باسم علق على طريقة لبسى، وقال إنه من أشهر دار أزياء فرنسية».
مصدر المصري اليوم
نسي يفكرك بانك رداحة
ردحذف